Натпреварот со Словенија на Европското првенство ќе биде запишан како последен на еден од најдобрите играчи во македонската кошаркарска репрезентација Владо Илиевски.
Тој скршен од тага и со солзи во очите се поздрави со навивачите после завршувањето на мечот, а одлуката за крај ја соопшти на пресконференцијата.
Дуелот против Словенија беше последен натпревар за мене во македонскиот дрес. Многу сум горд што бев со селекцијата во добро и лошо. Особено многу ми е драго што бев капитен и лидер на овој состав на ЕП кој беше доста млад и неискусен. Во репрезентацијата поминав низ се и сешто и им благодарам на сите репрезентативци за поддршката и посакувам на селекцијата се најдобро во иднина.
Плејмејкерот покрај посветеноста и едноставноста во играта ќе биде запаметен по победничкиот кош во Литванија против домаќинот во четвртфиналето и зборовите „Леле што направивме“ по натпреварот. Едно биди сигурен Владе, Македонија не ја заборава 3-ката против Литванија и историското “Леле луѓее што направивне”. Секоја чест, треба да си репер за помладите како се гине и што значи да се носи национален дрес. Секоја чест !
