Победа и Вардар од Неготино денеска ремизираа без голови во дербито од Третата лига Југ, мртвата трка за првото место продолжув, но радува што фудбалот повторно е во мода во најфудбалскиот град во Македонија.
По минатонеделната промоција на новите играчи на Победа и информацијата дека клубот ја брише наставката „Јуниор“ од името, денеска имаше неверојатни 4.000 гледачи на трибините на стадионот „Гоце Делчев“. Сепак, и покрај големата поддршка домашните не успеаја да слават, а играа со играч повеќе повеќе од 50 минути, откако гостите во 37. останаа без Ристов. На табелата по 12 кола, Победа и Вардар се израмнети со по 31 бод и до последното коло ќе водат битка за првото место.
