Фудбал

Бразилецот Лукас Силва Сантос Жуниор ја избра Победа пред нишки Раднички

Прилепска Победа денес го обезбеди потписот и документацијата за младиот 22 годишен офанизвец Лукас Силва Сантос Жуниор. Тој синоќа пристигна во Прилеп, утрово го одработи првиот треннг, го потпиша договорот со Победа а попладнево со своите нови соиграчи го одработи и првиот тренинг во новиот клуб.

Лукас беше желба на Победа на стартот на преодниот рок, за трансферот да се реализира пред истекот на периодот за трансфери. Откако се покажа во добро светло, одработи подготовски со српскиот прволигаш Раднички Ниш во Анталија каде и одигра неколку натпревари но не пронајде заеднички јазик околу условите, се реши да ја прифати понудата на Победа.

Се очекува со неговиот ангажман Победа да добие на инвентивност и квалитет плус во офанизивниот дел, оној препознатллив бразилски шмек на кој прилепчани 90-тите години ги навикнаа покојниот Оливеира и Жилсон. Силва, кој е полушпиц , настапувал за Арсенал МГ и Униао Лусензе. Исаевски деветто засилување на Победа Прилепскиот прволигаш денес го обезбеди и 9-тото засилување во тековниот преоден рок. Комплетното пополнување на играчкиот ростер е при крај со ангажманот на 23-годишниот левоног страничен фудбалер Александар Исаевски. Тој долго време живеел и кариера изградил во САД настапувајќи за колеџ екипи со забележителен успех-во две сезони околку 40 натпревари и 9 голови. Во Победа доаѓа по есенските 14 натпревари за Македонија ЃП, а особено по поволниот впечаток на пробниот меч со Дрита во Охрид.

Најсподелувани во последните 14 дена

Редакцијата на Barkod.mk не сноси никаква одговорност за коментарите и споделувањата на социјалните мрежи, бидејќи се генерираат преку Facebook, Twitter и други, и за нив важат правилата и условите на социјалната мрежа. Сите објавени содржини се авторска сопственост на Barkod.mk

Copyright © 2014 - 2020. Barkod.mk - Кодот на вистината. Сите права задржани

ВРВОТ