Македонија

ВЛОШЕНА Е СОСТОЈБАТА: 19 годишна повредена девојка е ВО ЖИВОТНА ОПАСНОСТ

Пет лица се сместени на Одделот за интензивна нега во ГОБ „8 Септември“, од кои двајца се во критична состојба, по синоќешната автобуска сообраќајна несреќа што се случи на автопатот Скопје – Тетово кај селото Ласкарци, истакна вечерва директорот на Градската општа болница „8 Септември“ Христијан Костов.

Нагласи дека бројката на хоспитализирани лица од сообраќајката е се уште иста 28, а промени има само во преносот на различни одделенија. Другите повредни пациенти, посочи, се во добра општа состојба.

– На еден пациент кој имаше повреда на градниот кош, односно торакална траума, претходно синоќа му беа поставени два торакални дрена и заради влошување, во смисол на отежнато дишење, беше поставен на менахичка вентилација, а за подобра контрола и опсервација од торакален хирург, беше транспортиран на КАРИЛ, изјави Костов.

Потенцира дека најмладиот повреден пациент од сообраќајката што е сместен во ГОБ „8 Септември“ има 15 години, а најстариот 65 години, а останатите воглавно се млади луѓе.

Дежурниот хирург д-р Ежевит Кдри посочи дека се надева оти лекувањето на двајцата пациенти што се префрлени во Одделот за интензивна нега ќе заврши без оперативен зафат.- Тие се префрлени на ова одделение заради интензивниот мониторинг што може да им се пружи, рече Кадри.

Најсподелувани во последните 14 дена

Редакцијата на Barkod.mk не сноси никаква одговорност за коментарите и споделувањата на социјалните мрежи, бидејќи се генерираат преку Facebook, Twitter и други, и за нив важат правилата и условите на социјалната мрежа. Сите објавени содржини се авторска сопственост на Barkod.mk

Copyright © 2014 - 2020. Barkod.mk - Кодот на вистината. Сите права задржани

ВРВОТ