Најмалку 74 лица починаа денеска поради шумските пожари во населбите во близина на Атина, објави Ројтерс, цитирајќи неименуван официјален претставник на грчката противпожарна бригада.
Според извештаите, најмалку 187 лица, вклучувајќи и 23 деца, се повредени во пожарите. Бројот на исчезнати лица сè уште не е познат.
Грција прогласи три дневна жалост поради пожарот, а премиерот Алексис Ципрас рече дека Грција минува низ досега невидена трагедија.
Инаку, во попладневните часови, грчкото знаме на зградата на владата и парламентот е на половина копје, а сите манифестации беа откажани.
