Највозбудливо денеска беше во Автокоманда, каде прилепска Победа успеа да се избори за бод иако беше двапати во негатива. Херој на Победа беше Благоја Гешоски со два гола, меѓу кои и последниот за ремито на пет минути пред крајот.
Гешоски влезе на стартот на вториот дел и успеа да и обезбеди на Победа бод. Прилепчани по половина час игра имаа два гола негатива (Александар Поповски во 9. и Милорад Смоковски во 33. му донесоа водство на Скопје), но успеаа да се вратат во мечот преку Даниел Карчевски (35-та) и Гешоски (48-та). Следеше ново водство за домаќинот преку Ѓоко Алексовски во 72-та минута, и на крај гол на Гешоски за возбудливо реми со шест голови.
