Во Баркод.мк имавме можност да добиеме неколку одговори од младиот и успешен фудбалер Карапеев Андреј, како и колку се исплаќа целата упорност може да видеме од неговите одговори. Според тоа нема големо достигнување без голема љубов и труд вложени кон она што го работиме.
Баркод.мк: Кажете ни накратко за себе си ? Кои се Вашите силни и слаби страни ?
Jас сум Карапеев Андреј роден на 03.07.1998 година во Прилеп. Основно образование завршив во ООУ “Рампо Левката” а потоа образованието го продолжив во СОУ “Ристе Ристески – Ричко”, спортска гимназија. Мои силни страни се: мотивираноста, упорноста, посветеноста, тимската работа и желбата за надигрување и победа. Мои слаби страни се е тоа што не можам да трпам неправди, лаги и несериозност.
Баркод.мк: Од кога се занимавате со фудбал ?
Со фудбал се занимавам уште од најмали години. На 7 годишна возраст за првпат се запишав во фудбалската школа Шампион и почнав да тренирам.
Баркод.мк: Каде настапувате, и на која позиција играте ?
Настапувам во младинската екипа на Ф.К. Победа на позицијата лево крило.
Баркод.мк: Кој беше мотивот да почните да се занимавате со фудбал ?
Мотивот беше огромен да се занимавам со фудбал. Мотивираноста од ден во ден се повеќе се зголемуваше како што напредував во натпреварувачките категории. Успесите кои што ги постигнав во пионери и кадети ми даваа се поголема мотивираност и желба за успех да се занимавам и понатаму со фудбал.
Баркод.мк: Кои се вашите фудбалски идоли и зошто ?
Имам еден фудбалски идол а тоа е Neymar. Неговиот начин на игра, техника и брзина ме воодушевуваат. Исто така играме на исти позиции па можеби тоа е причина плус.
Баркод.мк: Кои се вашите планови за во иднина ?
Моите планови за во иднина се да продолжам да се развивам како фудбалер и да работам и тренирам напорно, Своевремено имам играно за првиот тим и имам забележано еден настап. Сакам да ги бранам боите на Ф.К. Победа и да допринесам за доброто на клубот и фудбалот во Прилеп.
Баркод.мк: Во какви услови се тренира во ФК Победа ?
Генерално гледано условите за тренинг се добри и немам некоја забелешка. Работната атмосфера е одлична, а истото можам да го кажам и за соиграчите и луѓето од стручниот штаб.
Баркод.мк: Ваша порака до младите ?
Моја порака до младите би била да се занимаваат повеќе со спорт, било да е тоа само рекреативно или професионално. Спортот е убава работа каде што се развивате не само како спортист туку и како личност, стекнувате нови пријателства и добивате нови искуства.
Баркод.мк: Што би им препорачал на читателите на Баркод.мк ?
На читателите на Баркод.мк би им препорачал и понатаму да го читаат овај забавен сајт и да се информираат за најновите настани во градот.
