All for Joomla All for Webmasters
Фудбал

Германија во големото финале на СП со судни маки успеа да ја порази Аргентина

На стадионот Маракана во Рио де Жанеиро (БРА) во 16:00 по локално време или 21:00 по европско време се одржа финалниот натпревар помеѓу селекциите на Германија и Аргентина. На почетокот лесна игра каде што двете репрезентации играа слободно.

Но, прва притисна Аргентина кога Игуаин во ситуација еден на еден со Мануел Ноер во 21-та минута не успеа да го совлада голманот на германската репрезентација.Веднаш потоа во 35-та минута селекцијата на Аргентина постигна погодок за водство но истиот со задоцнување беше поништен поради офсајд ситуација.

Потоа и цело време напаѓаше Аргентина, но топката како да не ги посакуваше аргентинците. Во 44-та минута германците од прекин нафрлија и топката удри во дирекот од голот и потоа се одби од Милер и Ромеро успешно интервенира. Започна и второто полувреме каде што шанси имаа двете репрезентации. Меси и екипата шутираа но топката не ги посака. Но, една кардинална грешка на главниот арбитар , италијанецот Рицоли не досуди фаул ниту пак му даде картон на Мануел Ноер кој го собори Игуаин надвор од шеснајстерецот, ситуација која што можеби и многу влијаеше во понатамошниот тек на натпреварот, ситуација која што беше се освен фаул во напад.

При крајот на второто полувреме во 88-та минута на местото на Мирослав Клосе во игра влегува Гетце. Во регуларните 90 минути резултатот беше 0:0, па имаше две продолженија од по 15 минути. Во првото продложение немаше некој возбудувања, додека во 113-та минута резервистот Гетце по асистенција на Шурле успеа да и обезведи водство на Германија. Аргентина напаѓаше и напаѓаше, но германците постојано правеа прекршоци. Во 119-тата минута имаше слободен урад од преку 30 метри, но за жал Лионел Меси не успеа да постигне гол и со тоа Аргентина да израмни. За голман на светското беше прогласен Мануел Ноер, додека за играч на светското беше прогласен Лионел Меси и му беше доделена златната топка.

ВРВОТ