УО на ФК Победа на вчерашниот состанок донесе одлука за нов шеф на стручниот штаб да го назчани поранешниот играч и тренер на црвено-белите Дарко Крстески.
Клубот се заблагодари на досегашниот тренер Златко Петрески на неговата самопрегорна работа и му понуди да работи со младите категории во клубот. Крстески е познато фудбалско име .Играчката кариера ја почна и заврши во Победа, а настапувал за поранешниот европски и светски првак Црвена Звезда, Сутјеска, Борац Чачак, Флоријана Малта а најголем успех оствари со тимот на Фејс Али од Јордан, со кој во сезоната 2006-2007-ма го освои Азискиот шампионат.
По завршувањето на играчката кариера во Победа ја започна и тренерската кариера во која досега работел уште во црногорскиот прволигаш Челик од Никшиќ и либискиот Ал Итихад.