Црвен Крст на Република Македонија Општинска Организација Прилеп во соработка со „Здружението на пензионери“-Прилеп организира „Хуманитарен натпревар во ШАХ, ТАБЛА и ПИКАДО“.
Котизација за учество е 100 денари.НАЈДОЦНА ПРИЈАВУВАЊЕ ДО 31(вторник) 03(март) 2015. За почеток и местото на натпреварот пријавените дополнително ќе бидат известени. ЗАГАРАНТИРАНА ЗАБАВА, НАГРАДИ, ДРУЖЕЊЕ и МНОГУ ИЗНЕНАДУВАЊА… Повеќе информации и пријавување за натпреварот на следните броеви: 070/335-349; 076/949-762; 075/869-580; 076/663-225. (СОБРАНИТЕ СРЕДСТВА СЕ НАМЕНЕТИ ЗА ХУМАНИТАРНИ ЦЕЛИ).
Програмата Црвен крст во Акција- Промоција на Хумани Вредности (ЦКА-ПХВ) веќе 16 години претставува национална алатка за привлекување и задржување на волонтери во Црвениот крст. Истата се имплементира во сите Општински организации на Црвен крст и на годишно ниво обучува околу 1200 младинци, потенцијални волонтери во организацијата.
Младите добиваат обука за вредностите на Црвениот крст, учат за културата како систем од вредности, за културата на дијалог како основен предуслов за градење на интеркултурно опшество.
Младите во текот на овие обуки добиваат и практични знаења како да изработуваат мали проекти за добробит на заедницата во којашто живеат, а при тоа се охрабрени да ги користат сопствените капацитети за изработка на проектите преку кои помагаат на ранливото население.
Во текот на цилкусот 2013/2014 обуката ја поминаа 1276 младинци, 1153 од нив изработија рекорден број на 210 мали проекти за добробит на заедниците во коишто живеат. Преку овие проекти тие помогнаа и поддржаа 4055 лица од различни ранливи категории, вложувајќи 30 838 волонтерски часови.
Имплементацијата на програмата Црвен крст во Акција- Промоција на Хумани Вредности (ЦКА-ПХВ) оваа година беше овозможена со поддршка на Норвешка Амбасада од Србија.
