Едно возило,џип рејнџ ровер, со англиски национални ознаки и безживотно машко тело на задното седиште синоќа пронајдоа полициските службеници работејќи на решавање на случајот на грабежот извршен на 29 јули во две златари во Дебар , соопшти охридската полиција .
Возило е пронајдено во 19.45 часот кај месноста „Мирешки ливади“ во близина на државната граница со Албанија. Двете задни врати од џипот биле отворени, задното ветробранско стакло било скршено а на задното седиште во лежечка положба е забележан машкиот леш, потврди портпаролот Стефан Димоски.
На самото место, во тек е криминалистичко-технички увид во присуство на јавен обвинител од Основниот суд во Дебар, претставници од судска медицина, од Министерството за внатрешни работи и други овластени службени лица, јави МИА.
