Навивачките групи ширум Македонија се обединија и се простија од навивачот на „Комити”, Никола Саздовски- Саздо, кој им подлегна на повредите здобиени во нападот на автобуска постојка во Автокоманда. Погребот на Никола ќе се одржи утре на гробиштата во село Ракотинци во 13 часот. Повеќе навивачки групи денеска преку социјалните мрежи изразија сочуство за 21-годишниот комита и побараа убијците да бидат изнесени пред лицето на правдата.
Последна почит за прерано починатиот Никола. Почивај во мир младо момче.
Правда за навивачите !
Стои во објавата на официјалниот профил на навивачката група Мајмуни.
