All for Joomla All for Webmasters
Фудбал

Победа во карантин пред баражот со Борец

Победа

Фудбалерите на Победа денес претпладне отпатуваа за Струмица каде во карантин ќе го дочекаат саботниот бараж меч со Борец.

Попладнево избраниците на Шефот на Стручниот штаб Тони Мегленски го одработија тренингот на одличниот терен во Турново, додека за утре попладне планиран е тренинг на Стадионот Младост во Струмица.

Стадион кој е „таличен“ за победашите и на кој сезонава паднаа:Вардар, Шкендија, Силекс… Атмосферата во екипата е на максимално ниво и со нетрпение се очекува овој меч кој е во овој момент од судбоносно значење за клубот.

Квалитетот е неспорно на страната на Победа и тој само треба да се материјализира во саботните 90 минути. Ништо помалку-ништо повеќе.

Се да се решава на зелениот терен каде свесни за своите квалитети и од друга страна значењето на овој меч за иднината на клубот фудбалерите, кои во сабота ќе настапат со бела спортска опрема, се очекува да ја оправдаат фаворитската улога и на крајот со очекуваната армија свои навивачи заедно да слават прволигашки статус и следната сезона.

ВРВОТ