All for Joomla All for Webmasters
Фудбал

Илчо Ѓорѓиоски доби нов мандат за претседател на ФФМ

Илчо Ѓорѓиоски доби уште еден мандат на претседателската позиција во Фудбалската федерација на Македонија. Генералното изборно собрание утрово го изгласа досегашниот предводник на фудбалот со 91 глас, без ниту еден против.

„Почитувани делегати и фудбалски работници. Ви благодарам за поддршката и во следните четири години да го водиме македонскиот фудбал, кој има со што да се гордее согласно сработеното изминативе години“, изјави Ѓорѓиоски на собранието.

Генералното собрание го усвои извештајот на Управниот одбор на ФФМ, со кој се поништи изборното собрание на ОФС Тетово, а со тоа и кандидатурата на Мирсад Јонуз како конкурент на Илчо Ѓорѓиоски во овие избори. Јонуз е дел од фудбалската опозиција во Македонија, која пред два дена упати апел до ФФМ да не го одржи ова Генерално собрание, обвинувајќи дека е нерегуларно. Тој и иницијативата „Обединети за фудбалот“ ветија дека ќе продолжат во борбата против актуелното раководство на ФФМ, без разлика дали Ѓорѓиоски ќе биде реизбран.

 

Leave a Reply

Вашата адреса за е-пошта нема да биде објавена. Задолжителните полиња се означени со *

ВРВОТ