Петардите можат сериозно да ги преплашат и повредат домашните животни,а може и да умрат од срцев удар. Поради тоа друштвата за заштита на животните апелираат да на тоа да се забрани употребата на петарди и друг пиротехнички матерјал за претстојните Новогодишни празници како и во текот на цела година.
За претстојните празници се користи доста петарди и пиротехнички матерјал кој е непосакуван за сите животни, како и за поголем дел од луѓето кои сакаат мир и сигурност за себе и своето семејство.
Секоја година со лудувањето со петарди и пиротехника се повредени и десетици луѓе, најмногу се загрозени децата но и повозрасните заради неисправно ракување со петардите. Не често заради неправилно ракување луѓето остануваат без некој прст, цела рака а во најекстремните примери доаѓа и до слепило. Исто така и животните не се поштедени, од петардите освен што може да бидат повредени, може и да умрат од срцев удар, поради паничното бегање од силниот тресок.