Мрежата на гостите е полна, но на трибините нема кој да се радува, бидејќи на трибните на „Филип Втори“ има само 300 гледачи. Ванче Шиков во 35-та минута го отвори резултатот, а потоа следуваа два гола на Александар Трајковски еден од пенал и еден од игра по асистенција на Иван Тричковски.
Македонија последен пат три гола во едно полувреме постигнала на шести февруари 2013 година, кога ја водевме Данска со 3-0, што беше и конечниот резултат.Никогаш побрзо Македонија не успеала да даде три гола на еден меч и само пет минути беа доволни (со Лихтенштајн во триумфот 11-1 за 15 минути, со Данска 3-0 исто така за 15 минути) да се забележи првата победа по 13 месеци, откако во октомври лани триумфираше со Луксембург во евроквалификациите (3-2).
Македонија даде четири гола, што е двојно повеќе од вкупниот број на голови за цела година. Вечерва Црногорците беа шокирани со хет-трик на Александар Трајковски и еден на капитенот Ванче Шиков и тоа е наша втора победа во третиот меѓусебен меч.Откако Тричковски се избори за корнер во 34-та минута со удар по кој Вукашин Полексиќ одбрани, Агим Ибраими од 20 метри откосо биеше, црногорскиот голман кратко одбрани, а Шиков на петерецот од втор обид ја погоди мрежата.
Само две минути подоцна, Ибраими му го изврте паметот на Марко Баша и изнуди пенал, а фудбалерот на Палермо, Александар Трајковски го реализираше ударот од белата точка. Во 40-та минута, Тричковски прекина една акција на Црногорците, истрча во контра, Владимир Родиќ имаше неуспешен лизгачки старт, па фудбалерот на Легија му асистираше на Трајковски за вториот гол.
