Македонскиот репрезентативец Илија Несторовски кој е вистински хит во Хрватска својата кариера ќе ја продолжи во Италија каде ќе го носи дресот на Палермо, објави „Спорт Италија“.
Наводно, двете страни веќе ги оствариле првичните контакти и ситници го делат нашиот напаѓач од трансфер во Серија А. Оштетата која ја бара Интер Запрешиќ за Несторовски е 500.000 евра. Ако дојде до договор меѓу двата клуба, Несторовски ќе се приклучи на тимот од Сицилија во јуни. Покрај од Палермо, интерес за Несторовски претходно покажа и унгарски Видеотон. Ако направи трансфер во Серија А, напаѓачот ќе биде третиот Македонец во Серија А, каде веќе настапуваат Александар Трајковски и Горан Пандев.
