Балкан / Регион

Скршен черепот на еден македонски патник,3 загинати, 32 повредени

Македонски автобус рано утрово излета од автопатот во близина на Лесковац при што загинаа три лица.

Во болницата во Лесковац се префрлени 28 лица, додека 4 лица се во болницата во Ниш.

Српските спасувачки екипи на лице место затекле страшна глетка. Прво беа испратени два тима од медицинската помош, но по увидот на теренот, испратени се уште три за да им помогнат на повредените.

Автобусот патувал од Штип за Виена. Неофицијално тој влегол во снежна бура по што излизгал и се превртел.

-Автобусот беше превртен, тројца патници не даваа знаци на живот. Екипите на Итна помош од Лесковац кои стигнаа први на лице место им укажаа помош на повредените и направија тријажа. Имаше патници кои беа заробени во автобусот. Нив ги ослободија припадниците на пожарникарската служба. Најтешко повредените ги транспортиравме во Ниш. Еден од пациентите кој е прв згрижен, имаше симптоми на скршен череп, – изјавил доктор од Итната помош од Ниш за српски Блиц.

Во тек е полицискиот увид и утврдување на причините за несреќата

Најсподелувани во последните 14 дена

Редакцијата на Barkod.mk не сноси никаква одговорност за коментарите и споделувањата на социјалните мрежи, бидејќи се генерираат преку Facebook, Twitter и други, и за нив важат правилата и условите на социјалната мрежа. Сите објавени содржини се авторска сопственост на Barkod.mk

Copyright © 2014 - 2020. Barkod.mk - Кодот на вистината. Сите права задржани

ВРВОТ