Три косовски полицајци се ранети во хотел во село кај Грачаница, кога на нив пукал еден Албанец, пренесоа приштинските медиуми.
Како што пишува “Индекс онлајн”, до инцидентот дошто во селото Преоц вчера после пладне.
“Осомничениот косовски Албанец е уапсен откако пукал од огнено оружје во хотелот”, рекла полицијата.
“Тројца полицајци се ранети додека се обидувале да го совладаат”, се наведува во соопштението.
Полицијата во моментот на апсење конфискувала и пиштол ТТ-М-57, два оквири со 14 куршуми, пиштол “smit end veson” со пачки со два оквири и четири гранати, соопшти полицијата.