Фудбал

Судијата Ставрев и фудбалерите на Силекс и Турново бркаа змија во Кратово

Ако во Битола имаше шок-бомби и пресметки на трибините, во Кратово прволигашкиот меч меѓу Силекс и Хоризонт Турново го одбележа еден друг бизарен момент.


Второто полувреме доцнеше цели пет минути поради инцидентот на теренот кој го предизвика змија долга четириесеттина сантиметри. Токму во миговите кога најдобриот македонски судија Александар Ставрев сакаше да означи старт на второто полувреме, на половината на гостинскиот тим настана мала паника. Набргу се утврди дека се работи за змија со сива боја која на полувремето влегла во теренот. Најголема храброст покажа напаѓачот на кратовци Стојанче Велинов, кој имаше неколку неуспешни обиди да ја отстрани од теренот. Публиката се пошегува на сметка на Ставрев, сугерирајќи му да и додели црвен картон и да ја испрати во соблекувална. Тогаш стигнаа редарските служби, кои со две-три подритнувања ја исфрлија зад кабината на гостинскиот тим и мечот нормално продолжи.

ИЗВОР: АБЕРЏИЈА

Најсподелувани во последните 14 дена

Следете не на Фејсбук

Редакцијата на Barkod.mk не сноси никаква одговорност за коментарите и споделувањата на социјалните мрежи, бидејќи се генерираат преку Facebook, Twitter и други, и за нив важат правилата и условите на социјалната мрежа. Сите објавени содржини се авторска сопственост на Barkod.mk

Учество во игри на среќа е дозволено за лица со 18+ години. Играј одговорно!

Copyright © 2014 - 2020. Barkod.mk - Кодот на вистината. Сите права задржани

To Top