Македонските У18 фудбалерки со една победа и еден пораз го завршија развојниот УЕФА турнир кој изминативе неколку дена се одржуваше во Скопје.
По несреќниот пораз од Бугарија во првото коло кога примивме погодок во последната минута (0-1), нашите девојки по изведување на пенали славеа над Србија и со една победа и еден пораз го завршија УЕФА Развојниот турнир кој од 1 до 3 јули се одржуваше во Скопје во тренинг-комплексот на ФФМ.
Регуларниот дел на мечот против Србинките заврши 2-2, а по изведувањето на пенали нашата репрезентација славеше со 4-3. Двата погодоци за нашата репрезентација ги постигна Симона Крстаноска.
На развојниот турнир нашите фудбалерки прикажаа одлична игра што е добра најава за септмеврискиот квалификациски турнир во Португалија каде покрај домашната селекција ќе играме против Русија и Белорусија.
