Barkod.mk - Кодот на вистината

Силен земјотрес на Балканот, две лица загинаа и 170 се повредени во Грција

Јул 21 Напишано од  Посетено 9286 пати

Оценете ја оваа вест
(0 гласови)

Две лица загинаа, а најмалку 170 се повредени во силен земјотрес што ги погоди грчките острови во југоисточниот дел на Егејското Море. Неименуван претставник на болницата на островот Кос наведе дека две странски лица се загинати при удар со камења од стара зграда, што се урнала во земјотресот.

Градоначалникот на Кос Јоргос Киритас потврди дека загинатите се странци. Земјотресот бил со јачина од 6,7 степени според Рихтеровата скала, соопшти Американскиот геофизички институт, додека Опсерваторијата во Атина наведе дека тој бил со јачина од шест степени, а други грчки преставници тврдат оти неговиот интензитет бил со 6,5 степени според Рихтер.

Епицентарот на земјотресот се наоѓал на 10 километри југоисточно од крајбрежниот турски град Бодрум, а на 16,2 километри источно од грчкиот остров Кос. Освен на грчките острови, земјотресот бил почувствуван силно и на западното крајбрежје на Турција, претежно во Бодрум, пренесува БТА. Грчкиот државен секретар одговорен за трговската флота Нектариос Санторинос соошти дека се повредени 120 лица, и дека на островот се направени големи материјални штети. Кон Кос се испратени два хеликоптери, кои повредените оттаму ги пренесуваат на островот Родос. На Родос, луѓето раскажуваат дека потресот бил многу силен и дека траел долго.

Во Бодрум пукнатини се појавиле на голем број згради, а болницата во градот беше евакуирана како превентивна мерка, наведуваат турски медиуми. Очевидци на островот Кос раскажуваат дека по потресот морето се подигнало пред нивни очи, а властите предупредија за опасност од мало цунами. Надојдените морски води поплавија крајбрежен пат и делови од главниот град на островот Кос.

Морето исфрли на патот чамец, а неколку автомобили се удрија еден во друг, како резултат на мини цунамито.

loading...

СЛЕДЕТЕ НЕ/ КЛИКНЕТЕ ЛАЈК НА ОФИЦИЈАЛНИОТ ФЕЈСБУК FAN PAGE

WWW.BARKOD.MK

Баркод.мк - Најсвеж македонски веб портал. Место каде што можете да се информирате скоро од секоја област. Како портал активно постои од Јули 2014 година.

Медија

Joomla Templates and Joomla Extensions by JoomVision.Com
  • ЛУД СПОРТ

  • ТОП ЦУЦКА

Присутни гости

Имаме присутни 304 гости и нема членови

Фејсбук 'FAN PAGE'

HomeВестиБалкан / РегионСилен земјотрес на Балканот, две лица загинаа и 170 се повредени во Грција

Пријатели и Пријателки


sportskimkNEWLadMediaLogopl-logo-v3